RETO 1 : O NOSO LIBRO DE COCIÑA

Grazas polas vosas receitas. Teñen unha pintaza...😋

Con todas elas, fixemos este libro, pero podedes seguir enviándonos máis que as iremos incorporando.

Disfrutade e experimentade cos manxares d@s compañeir@s!

NOTA IMPORTANTE! Como podedes ver, non expoñemos a cara de ninguén, seguindo as recomendacións da Lei de Protección de Datos. Encántanos ver o guap@s que estades, pero no blog só imos publicar as vosas creacións.

Boas tardes!

Hoxe descubrimos a iniciativa #NoTeConozcoPeroAquíEstoy que trata de aportar o seu gran de area nesta situación achegando mensaxes positivas a aquelas persoas que teñen que estar illadas. Por iso, animámosvos a escribir as vosas cartas que de seguro axudarán a sacarlle un sorriso a alguén. 

 Recordade! Non poñades datos persoais, só palabras de cariño e debuxos que o que as lea o fagan sentir especial. 

#TODO VAI SAIR BEN

E SE NON TEMOS TERRA PARA PLANTAR?

Unha das nosas propostas de traballo esta semana e plantar pero, e se non temos terra na casa? Que ninguén se agobie, propoñémosvos unha solución:

Aquí vos deixamos máis información. Agora é momento de experimentar.

 https://ecoinventos.com/aguacate-como-plantar-su-hueso/

Recordade que podedes enviarnos fotos das vosas plantacións!

Hola!
Todavía non sabemos se todos e todas tedes acceso ao blog. Se alguén non nos avisou e ten acceso por favor escribídenos. Querémosvos explicar como imos traballar.
Cada semana teredes un reto. Tamén haberá propostas de actividades para as diferentes áreas. Non mandaremos actividades todos os días pois esta situación que estamos a vivir é excepcional. Facilitámosvos enlaces tamén onde poderedes atopar actividades de repaso interactivas. Todo o que poñemos no blog é orientativo, non obrigatorio nin avaliable. Queremos axudarvos e ao mesmo tempo continuar co proceso educativo. Somos conscientes de que moitos e moitas tedes que traballar e que non todos dispoñedes dos mesmos recursos, polo que non queremos poñer máis presión sobre vós. Que ninguén se agobie se un día o seu fillo ou filla só leu, xa traballará outros contidos outro día. É importante manter unha rutina de traballo, pero engadir estrés a nosa vida non nos vai axudar a levar mellor esta situación. Cada quen, que faga o que poida.
Calquera dúbida, contactade con nós a través do correo que vos facilitamos.
Un saúdo e moito ánimo.

Benvid@s ao blog de 3º de primaria do CEIP Os Tilos. A través deste espazo as mestras trataremos de achegar a escola as vosas casas, con propostas que nos permitan continuar co proceso educativo nestas circunstancias tan excepcionais e sen esquecer que o máis importante é manternos unid@s.

Con este blog pretendemos achegarvos propostas concretas de traballo que nos axuden a afianzar ou ampliar os contidos vistos ata este momento. Na web existen infinidade de recursos fantásticos que vós xa coñecedes e que vos resultan útiles, polo que nós queremos aportar o noso gran de area e, sobre todo, axudar a concretar aqueles que nos parecen máis relacionados e servir como guía.

Con este fin, a organización do blog será a seguinte:

-          RETO SEMANAL. Os resultados do mesmo poñeranse en común ao final da semana, compartindo así os vosos logros.

-          PROPOSTAS DE TRABALLO. Actividades concretas relacionadas con cada materia.

-          MODO RELAX, con actividades de ocio, relaxación,…

-          PÁXINAS DE INTERESE. Direccións web con multitude de recursos.

Todas estas propostas son voluntarias. Somos moi conscientes de que esta situación non resulta doada para os nosos cativos e cativas pero tampouco para as familias, polo que non queremos engadir estrés, pero si axudar a manter a cabeza ocupada. O primeiro é coidarse!

Se vos xorden dúbidas facédenolo saber, esa é a nosa función. Contactade con nós a través do correo terceirotilos@gmail.com. E recordade que o centro seguirá informándovos de calquera novidade relativa a suspensión das actividades lectivas na https://www.edu.xunta.gal/centros/ceipostilos/

PASAMOS LISTA!

 Acaba se soar  o timbre. Imos comezar o día pasando lista, porque o primeiro é saber se estamos tod@s. Para iso, gustaríanos que nos saudásedes a través do noso correo terceirotilos@gmail.com. Cando estemos list@s, comezaremos a clase!