ENERXÍAS RENOVABLES

Sabedes o que son as enerxías renovables? Seguro que si, pero agora ímolo repasar! As enerxías renovables son as que se obteñen de fontes naturais. Como se obteñen de fontes naturais non se esgotan e ademais non contaminan. Por exemplo, do aire podemos obter electricidade. E como se fai iso? Pois cuns aparellos chamados aeroxeradores que transforman a enerxía do aire en electricidade. Parece difícil, verdade? Xa veredes como se fai, imolo explicar a continuación.
Os aeroxeradores son os muíños de vento. Eses que vedes tan altos con aspas nas montañas. Seguro que algún de vos os pode ver dende a ventá ao lonxe. Unhas veces móvense despacio e outras máis rápido, depende do forte que sopre o vento. Pois ese movemento é enerxía. E eses aparellos conseguen transformar esa enerxía eólica (que é como se chama a do vento) en electricidade.
Pero non só se pode obter enerxía do vento, tamén do sol (enerxía solar), da auga (enerxía hidráulica)... e outras máis que veredes máis adiante.
Mirade, nesta foto podedes ver os muíños de vento:

Empregar as enerxías renovables é unha das maneiras de coidar o noso planeta, por iso son tan importantes. 
Agora, para comprender un pouquiño mellor como funcionan os muíños de vento, propoñémosvos que fagades un na vosa casa. No documento que aparece aquí debaixo aparécenvos as instrucción para facelo. Debaixo da explicación, tedes unhas preguntas que podedes contestar oralmente.
DESCARGAR ARQUIVO