OS APARELLOS

Como recordaredes, no primeiro trimestre, vimos o proceso de nutrición, que consiste en obter enerxía e materiais dos alimentos. Para que isto fose posible, no noso corpo levávanse a cabo varios procesosnos que interviñan varios aparellos. Noutra actividade, xa repasamos este contido. Desta vez imos centrarnos nos aparellos. Pero antes imos refrescar a memoria un pouquiño. 

Propoñémosvos que elaboredes unha maqueta do aparello dixestivo ou do aparello respiratorio con materiais reciclados. Despois, debedes explicar como funciona. Aquí tedes uns exemplos. Se premedes nas imaxes, podedes ver como se fan. Estas son só ideas, seguro que a vós se vos ocorren outras. Animádevos a mostrarnos as vosas creacións mentres aprendemos como funciona o noso corpo por dentro.